ବରୀ(ରତ୍ନଗିରି ନ୍ୟୁଜ) – ବ୍ରାହ୍ମଣୀ ନଦୀରେ ବନ୍ୟା ଆସିଛି । ବରୀ ବ୍ଲକ ର ବିଭିନ୍ନଅଂଚଳ କ୍ଷତିଗ୍ରସ୍ତ ହୋଇଥିବାବେଳେ, ସାହୁପଡା ଓ ଇଶାଣପୁର ଗ୍ରାମପଂଚାୟତର ୧୨ ଗୋଟି ପରିବାର ବନ୍ୟା ଜଳ ବନ୍ଦୀ ଅବସ୍ଥାରେ ରହିଛନ୍ତି । ଘରଭିତରେ ଆଣଣ୍ଠୁଏ ଲେଖାଁଏ ପାଣି , ପିଲାଛୁଆ ,ବୃଦ୍ଧ ବୃଦ୍ଧା ମାନେ ରାସ୍ତା ଉପରେ ବସିଛନ୍ତି । ଏ ଖବର ପାଇ ନୂଆ ଆଲୋକର ସଭାପତି ସାମ୍ବାଦିକ ଶରତ କୁମାର ଜେନା ଅନୁଷ୍ଠାନର ପିଲା ମାନଙ୍କୁ ଧରି ସେମାନଙ୍କ ପାଖରେ ପହଁଚିବା ସହିତ ପ୍ରାଥମିକ ପର୍ଯ୍ୟାୟରେ ଆଜି ସକାଳ ୬.୩୦ ମି ସମୟରେ ପାଉଁରୁଟି, କଦଳି,ବିସ୍କୁଟ ଆଦି ଶୁଖିଲା ଖାଦ୍ୟ ନେଇ ସେମାନଙ୍କୁ ବଣ୍ଟନ କରିଥିଲେ । ତେବେ କାଲିଠାରୁ ପାଣିଘେରରେ ରହି ସକାଳୁକଣ ଖାଇବା ଚିନ୍ତାରେ ଥିବା ଜଳବନ୍ଦି ମଣିଷଙ୍କ ମୁହଁରେ ଖାଦ୍ୟ ଗଣ୍ଡାଏ ଦେଇ ଅନୁଷ୍ଠାନ ଅଫୁରନ୍ତ ଆନନ୍ଦ ଲଭିବା କଥା ସଭାପତି ଶ୍ରୀ ଜେନା ପ୍ରକାଶ କରିଛନ୍ତି ।
