ବରୀ,୧୪ l୦୧(ରତ୍ନଗିରି ନ୍ୟୂଜ ): ଯାଜପୁର ଜିଲ୍ଲାର ସର୍ବ ପୁରାତନ ବାଳିକା ବିଦ୍ୟାଳୟ ଧାରପୁର ସରକାରୀ ଉଚ୍ଚ ବିଦ୍ୟାଳୟର ବାର୍ଷିକ ଉତ୍ସବ ବୁଧବାର ଦିନ ଅନୁଷ୍ଠିତ ହୋଇଯାଇଛି l ବିଦ୍ୟାଳୟର ପ୍ରଧାନ ଶିକ୍ଷକ ରତ୍ନାକର ମଲିକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବିଶିଷ୍ଟ ସମାଜସେବୀ କିଶୋର ଚନ୍ଦ୍ର ଜେନା ମୁଖ୍ୟ ଅତିଥିଭାବେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ପ୍ରଭାତୀ ଜେନା ଅନ୍ୟତମ ଅତିଥି ଅବସରପ୍ରାପ୍ତ ଅଧ୍ୟାପକ ମନୋରଞ୍ଜନ ଜେନା, ଅଶ୍ୱିନୀ ଜେନା ଯୋଗଦେଇଥିଲେ l
ପିତା ମାତା, ଗୁରୁ ଏବଂ ଈଶ୍ୱରଙ୍କ ପ୍ରତି ଭକ୍ତି ଓ ସମ୍ମାନ ଜଣାଇଲେ ଜୀବନରେ କେବେ ବି ଅସଫଳ ହେବନାହିଁ l କେବଳ ଶ୍ରେଣୀ ଗୃହରେ ପାଠ ଶୁଣିଲେ ପାଠ ହୁଏନାହିଁ ନିଜେ ମନ ଲଗାଇ ପଢିଲେ ଭଲ ପାଠ ହୁଏ ବୋଲି ଅତିଥିମାନେ କହିଥିଲେ l ଉକ୍ତ ଉତ୍ସବରେ ବିଦ୍ୟାଳୟର ଛାତ୍ରୀମାନଙ୍କ ଦ୍ୱାରା ନୃତ୍ୟ, ସଂଗୀତ ଓ ଅଭିନୟ ପ୍ରଦର୍ଶନ କରାଯାଇଥିଲା l ବିଦ୍ୟାଳୟର ଶିକ୍ଷକ ଦୀପାଞ୍ଜଳି ଧଳ, ବିଶ୍ୱଜିତା ସାହୁ, ପ୍ରଭାସିନୀ ସାମଲ ଶିକ୍ଷକ ଗୌତମ ଜେନା, ନୃସିଂହ ଚରଣ ତରାଇ, ମାନସ କୁମାର ବେହେରା ଓ ବିଦ୍ୟାଳୟର କର୍ମଚାରୀ ମହେନ୍ଦ୍ର ଜେନା, ରାମଚନ୍ଦ୍ର ପଣ୍ଡା ପ୍ରମୁଖ ଉପସ୍ଥିତ ଥିଲେ l
