ଆଠଗଡ଼(ରତ୍ନଗିରି ନ୍ୟୁଜ): ମାସ ଭିତରେ ସାରା କାର୍ତିକ ମାସ l ଆଉ କେଇ ଦିନ ପରେ କାର୍ତ୍ତିକ ମାସର ପ୍ରଥମ ସୋମବାର । ଏହି ମାସର ପ୍ରତି ସୋମବାର ଦିନ ବାବା ଧବଳେଶ୍ୱରଙ୍କ ପୀଠରେ ବହୁତ ଭିଡ ଦେଖିବାକୁ ମିଳେ l ବର୍ଷକର ପ୍ରତିକ୍ଷା ପରେ କାର୍ତ୍ତିକ ସୋମବାରରେ ବାବାଙ୍କ ଦର୍ଶନ କରି ପୁଣ୍ୟ ଅର୍ଜନ କରିବାକୁ ଲାଗିଥାଏ ଲମ୍ବା ଲାଇନ୍। କାହିଁ କେତେ ଦୂରରୁ ଛୁଟି ଆସେ ଭକ୍ତ । ହେଲେ ଏଥର କାର୍ତ୍ତିକ ସୋମବାରରେ ବାବା ଧବଳେଶ୍ୱରଙ୍କ ଦର୍ଶନ ପାଇବନି ଭକ୍ତ । କୋଭିଡ କଟକଣାକୁ ଆଖି ଆଗରେ ବାବା ଧବଳେଶ୍ଵରଙ୍କ ପୀଠରେ ଜାରି ହେବ ୧୪୪ ଧାରା।
ଆଠଗଡ଼ ଉପଜିଲ୍ଲାପାଳ ଅଜାମ୍ବର ମହାନ୍ତିଙ୍କ ନିକଟରୁ ମିଳିଥିବା ସୂଚନା ଅନୁଯାୟୀ, କଟକ ଜିଲ୍ଲାର ପ୍ରସିଦ୍ଧ ଶୈବପୀଠ ବାବା ଧବଳେଶ୍ଵରଙ୍କ ପୀଠରେ କାର୍ତ୍ତିକ ମାସର ପ୍ରଥମ ସୋମବାର ପ୍ରବଳ ଗହଳି ହେବାର ସମ୍ଭାବନା ରହିଛି। ଏହାକୁ ଆଖି ଆଗରେ ରଖି ପ୍ରଥମ ସୋମବାର ଧବଳେଶ୍ୱର ପୀଠରେ ୧୪୪ଧାରା ଜାରୀ କରିଛି ଆଠଗଡ଼ ପ୍ରଶାସନ । ଭୋର ୪ଟାରୁ ରାତି ୧୦ଟା ପର୍ଯ୍ୟନ୍ତ ୧୪୪ ଧାରା ବଳବତ୍ତର ରହିବ ।
