କେନ୍ଦ୍ରାପଡ଼ା (ରତ୍ନଗିରି ନ୍ୟୁଜ) : ଗହିରମଥା ବରୁଣେଇ ଫରେଷ୍ଟ ବ୍ଳକର ହରିଅଂଶ ଜଙ୍ଗଲ ନିକଟରୁ ହରିଣ ମାଂସ ସହ 2 ଜଣଙ୍କୁ ଗିରଫ କରିଛି ରାଜନଗର ବନବିଭାଗ । ସୂଚନା ମୁତାବକ ହରିଣ ଶିକାର କରି ମାଂସ ଧରି ଫେରୁଥିବା ବେଳେ ପେଟ୍ରୋଲିଂ କରୂଥିବା ବନ କର୍ମଚାରୀ ହାବୁଡରେ 4 ଜଣ ଶିକାରୀ ଧରାପଡିଥିଲେ । 2 ଜଣ ଖସି ପଳାଇ ଯାଇଥିବା ବେଳେ 2 ଜଣଙ୍କୁ ଵନ ଵିଭାଗ ଗିରଫ କରି କୋର୍ଟ ଚାଲାଣ କରିଛି । ଗିରଫ ହୋଇଥିବା 2 ଜଣ ହେଲେ କାଠୁଆଗଣ୍ଡ ଗାଁ ର ବୈକୁଣ୍ଠ ପରିଡା ଓ ନୁଆଗାଁର ଫକିର ଚରଣ ନାୟକ । ସେମାନଙ୍କ ପାଖରୁ5 କିଲୋ ହରିଣ ମାଂସ 3 ଟି ଫାସ, ଗୋଟିଏ ପଲିଥିନ ବ୍ୟାଗ ଓ ଗୋଟିଏ କଟୁରୀ ଜବତ କରା ଯିବା ସହ ରାଜନଗର ବନାଂଚଳରେ ଏକ ମାମଲା ରୁଜୁ କରାଯାଇଛି ।
