ଭଦ୍ରକ(ରତ୍ନଗିରି ନ୍ୟୁଜ) ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳୀର ଜାତୀୟ କଂଗ୍ରେସ ଦଳ ତରଫରୁ ଏକ ବିଶାଳ ବାଇକି ରାଲି ଦେଖିବାକୁ ମିଳିଥିଲା ।ଆଜି ସକାଳେ ପ୍ରଥମେ ଆରାଧ୍ୟ ଦେବୀ ମା’ଧାମରାଇ ପାଖରେ ପୂଜାର୍ଚ୍ଚନା କରି ଶତାଧିକ ଯୁବ କଂଗ୍ରେସ କର୍ମୀ ଚାନ୍ଦବାଲି ଅଭିମୁଖେ ବାହାରିଥିଲେ । ସେହିପରି ନଇ ପାର ହୋଇ ଆରଡ଼ି ଧାମରୁ ମଧ୍ୟ ଶତାଧିକ କର୍ମୀ ପହଞ୍ଚିଥିବା ବେଳେ ଚାନ୍ଦବାଲି ନିର୍ବାଚନ ମଣ୍ଡଳୀ ଅନ୍ତର୍ଗତ ତିହିଡ଼ି ବ୍ଲକର ପୀରହାଟ ଓ ଗଦି ଅଞ୍ଚଳରୁ ମଧ୍ୟ ଶତାଧିକ କର୍ମୀ ଆସିଥିବା ଦେଖିବାକୁ ମିଳିଥିଲା । ବରିଷ୍ଠ କର୍ମୀଙ୍କ ଆଗ ଧାଡ଼ିର ବହୁ ଯୁବ ନେତା ଓ କର୍ମୀ ଏକ ବିଶାଳ ବାଇକି ରାଲିରେ ଦିଗଛିଆରୁ ବାହାରି ଚାନ୍ଦବାଲି ସହର ପରିକ୍ରମା କରିବା ପରେ ଚାନ୍ଦବାଲି ବଜାର ସ୍ଥିତ ବିଜୁ ସ୍ମୁତି ଭବନଠାରେ ସଭାକାର୍ଯ୍ୟ ଆରମ୍ବ ହୋଇଥିଲା ।
ଦଳର ଯୁବ ନେତାମାନେ ରାଜ୍ୟରେ ବେକାରୀ ସମସ୍ୟା ଓ ଧାମରା ବନ୍ଦରରେ ସ୍ଥାନୀୟ ଯୁବକଙ୍କ ନିଯୁକ୍ତି ଆଦି ବିଭିନ୍ନ ସମସ୍ୟା କୁ ନେଇ ବିରୋଧୀ ଦଳ ବିଜେଡି ଓ ବିଜେପି ଉପରେ ବର୍ଷିଥିବ ବେଳେ ବରିଷ୍ଠ ନେତା ଅମିୟ ମହାପାତ୍ର, ଦିଗମ୍ୱର୍ ଦାସ, ସତ୍ୟାନଦ ରାଉତ,ଏକଜୁଟ ହୋଇ ନେତା ନୁହେଁ କଂଗ୍ରେସକୁ ଜିତାଇବା ପାଇଁ କର୍ମୀ ମାନଙ୍କୁ କହିଥିଲେ ଦିଗ ଦାସ । କଂଗ୍ରେସ ରାଲିକୂ ଦେଖିବା ପରେ 2024 ନିର୍ବାଚନ ରେ ବିଜେପି, ବିଜେଡି କୁ ପଛରେ ପକାଇ କଂଗ୍ରେସ ଦଳ ବାଜିମାରିବ ବୋଲି ସାଧାରଣରେ ଚର୍ଚ୍ଚା ଯୋର ଧରିଛି।
