ବରୀ (ରତ୍ନଗିରି ନ୍ୟୁଜ ):- ଆପଣମାନଙ୍କ ସାଙ୍ଗରେ ସବୁ ସମୟରେ ଅଛି ଏବଂ ରହିବି, ଆମ ପ୍ରିୟ ମୁଖ୍ୟମନ୍ତ୍ରୀ ନବୀନ ବାବୁ ସବୁ ବେଳେ ଖଟିଖିଆ ମଜୁରିଆଙ୍କ ବିକାଶ ପାଇଁ କାର୍ଯ୍ୟ କରୁଛନ୍ତି l ତାଙ୍କ ପ୍ରତି ଲୋକଙ୍କ ଭଲ ପାଇବା ରହିଛି I ଆପଣମାନେ ଯେଉଁ ଭଲ ପାଇବା ମୋତେ ଦେଇଛନ୍ତି ତାହା ମୁ ନିଶ୍ଚୟ ପୁରଣ କରିବି I ଆପଣମାନଙ୍କ ଖଣ୍ଡିଏ ଖଣ୍ଡିଏ ଭୋଟ ବରୀ ପଂଚାୟତ ସମିତି ସହ ସମସ୍ତ ପଂଚାୟତରେ ଆମକୁ ବିଜୟୀ କରାଇବ ବୋଲି ବରୀ ବିଜେଡିର ୨୧ ନମ୍ବର ଜିଲ୍ଲା ପରିଷଦ ଜୋନ ପକ୍ଷରୁ ବିରାଟ ସମ୍ବର୍ଦ୍ଧନା ସଭାରେ ଯୋଗ ଦେଇ ବିଜେଡି ର ଯୁବ ନେତା ବିଶ୍ୱ ରଞ୍ଜନ ମଲିକ ପ୍ରକାଶ କରିଛନ୍ତି I
ବରୀ ବିଜେଡିର ୨୧ ନମ୍ବର ଜିଲ୍ଲା ପରିଷଦ ଜୋନ ପକ୍ଷରୁ ବିଶ୍ୱ ରଞ୍ଜନ ମଲିକ ଙ୍କ ଉଦେଶ୍ୟରେ ଏକ ବିରାଟ ସମ୍ବର୍ଦ୍ଧନା ସଭା ମଦନ ମୋହନ ଶ୍ରୀଚନ୍ଦନରାୟଙ୍କ ସଭାପତିତ୍ବରେ ବାଲିଆ ଜାଗୁଳାଇ ହାଟ ପଡିଆ ପରିସରରେ ଅନୁଷ୍ଠିତ ହୋଇଯାଇଛି l ଉକ୍ତ କାଯ୍ୟକ୍ରମରେ ବରୀ ବ୍ଲକ ଅଧ୍ୟକ୍ଷା ସୁଵାସିନୀ ଶର୍ମା, ୨୪ ନମ୍ବର ଜିଲ୍ଲା ପରିଷଦ ସଭ୍ୟା ରଞ୍ଜିତା ସାମଲ, ପୂର୍ବତନ ସରପଞ୍ଚ ଦିଲୀପ କୁମାର ମହାନ୍ତି, ବାଲିଆ ସରପଂଚ ପ୍ରବୀର କୁମାର ଜେନା, ବୋଦୁଅ ସରପଂଚ ଅର୍ଚନା ମଲିକ୍, ସ୍ବାଇଖଣ୍ଡ ସରପଞ୍ଚ କିରଣବାଳା ଜେନା, ପୂର୍ବତନ ସରପଞ୍ଚ ଆକୁଳି ଚରଣ ମହାନ୍ତି, ଶୈଳବାଳା ଜେନା, ସଂଜୀବ କୁମାର ଜେନା, ଅକ୍ଷୟ କୁମାର ଜେନା, ପ୍ରସନ୍ନ କୁମାର ସାମଲ, ବସନ୍ତ କୁମାର ଜେନା, ଗିରୀନ୍ଦ୍ର ପତି, ବସନ୍ତ କୁମାର ଭୂୟାଁ ପ୍ରମୁଖ ଯୋଗଦେଇ ମୁଖ୍ୟମନ୍ତ୍ରୀଙ୍କ ବିଭିନ୍ନ ଜନ ହିତକର କାଯ୍ୟକୁ ବରୀରେ ସଫଳ ରୂପାୟନ କରିବା ପାଇଁ ବିଶ୍ୱ ରଞ୍ଜନ ମଲିକ ପ୍ରକୃତ ଯୋଗ୍ୟ ବ୍ୟକ୍ତି ବୋଲି ମତବ୍ୟକ୍ତ କରିଥିଲେ I
ଅପରାହ୍ନରେ ବାଲିଆ, ଧାରପୁର, ଇଶାଣପୁର, ସ୍ବାଇଁଖଣ୍ଡ, ଗୋଲକୁଣ୍ଡ, ବlଇଁଶିରିଆ, କିମ୍ଭିରିଆପାଳ ପଞ୍ଚାୟତ ଓ ବରୀ ବ୍ଲକର ହଜାର ହଜାର ଦଳୀୟ କର୍ମୀ ଏକ ବିଶାଳ ମୋଟର ସାଇକେଲ ଶୋଭାଯାତ୍ରା ରେ ଶ୍ରୀ ମଲିକଙ୍କୁ ତିନି ମୁହାଣୀ ଠାରୁ ସଭା ମଞ୍ଚ ନିକଟକୁ ପାଛୋଟି ଆଣିଥିଲେ I ବାଲିଆ ସରପଂଚ ପ୍ରବୀର କୁମାର ଜେନା ପଂଚାୟତ ତରଫରୁ ବିଜେଡି ନେତା ଶ୍ରୀ ମଲିକ ଓ ପଂଚାୟତ ସମିତି ଅଧକ୍ଷା ଶ୍ରୀମତି ଶର୍ମାଙ୍କୁ ଉତ୍ତରୀୟ ଓ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରିଥିଲେ I
