ଧର୍ମ ମହାକାଳ ଯାତ୍ରା କମିଟି ପକ୍ଷରୁ କଳାକାରଙ୍କୁ ସମ୍ବର୍ଦ୍ଧନା

ବରୀ (ରତ୍ନଗିରି ନ୍ୟୁଜ) : ଯାଜପୁର ଜିଲ୍ଲା ବରୀ ବ୍ଲକ୍ ଅନ୍ତର୍ଗତ ଧାରପୁର ହଳଦୀବସନ୍ତର ନୂଆ କରି ଗଢି ଉଠିଥିବା ଧର୍ମ ମହାକାଳ ଯାତ୍ରା କମିଟି ପକ୍ଷରୁ କଳାକାରମାନଙ୍କୁ ସମ୍ବର୍ଦ୍ଧନା କାର୍ଯ୍ୟକ୍ରମ ବୁଧବାର ଦିନ ଅନୁଷ୍ଠାନର ସଭାପତି ଇନ୍ଦ୍ରମଣୀ ପରିଡ଼ାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ଓଡ଼ିଶାର ଲବ୍ଧ ପ୍ରତିଷ୍ଠିତ ହାସ୍ୟ ଅଭିନେତା ବ୍ରଜ ସିଂ, ଆଲବମ୍ କୁଇନ୍ ମଧୁମିତା ମହାନ୍ତି(ଜୁଲି), କଳିଙ୍ଗ ଗଣନାଟ୍ୟର ମୁଖ୍ୟ ପରିଚାଳକ ମଧୁବାବୁ, ଲୋକପ୍ରିୟ ଉପସ୍ଥାପିକା ମାମୁନୀ, ବରିଷ୍ଠ ଗୀତିକାର, ସଙ୍ଗୀତ ନିର୍ଦ୍ଦେଶକ, ସମାଜସେବୀ ଦିଲ୍ଲିପ ଜେନାଙ୍କ ସମେତ ଯୁବ ପ୍ରତିଭା ତଥା ସମାଜସେବୀ ସଞ୍ଜିବ ଜେନା, ସାହୁପଡ଼ା ସରପଞ୍ଚ ସଞ୍ଜୟ ସେଠୀ, ଧାରପୁର ସରପଞ୍ଚ କୁନା ମଲିକ ପ୍ରମୁଖଙ୍କୁ ଅନୁଷ୍ଠାନ ପକ୍ଷରୁ ଉତ୍ତରୀୟ ଓ ପୁଷ୍ପଗୁଚ୍ଛ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । ଶିଶୁ ସାହିତ୍ୟିକ ଅଜୟ କୁମାର ଜେନାଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଧର୍ମ ମହାକାଳ ଯାତ୍ରା କମିଟିର ଉପସଭାପତି ଗୁରୁଚରଣ ଦାସ, ସମ୍ପାଦକ ତୁଷାର ଶାନ୍ତି(ଲିଟିଲ୍‌), ସହ ସମ୍ପାଦକ କୁଳମଣୀ ଜେନା, କୋଷାଧ୍ୟକ୍ଷ ଶମ୍ଭୁନାଥ ଜେନା, ପ୍ରମୁଖ ସହଯୋଗୀ ଲକ୍ଷ୍ମିକାନ୍ତ ପରିଡ଼ା(କୁନା), ତୁଷାର ରଂଜନ ଶାନ୍ତି, ବରିଷ୍ଠ କାର୍ଯ୍ୟକର୍ତ୍ତା ସୁବାଷ ପରିଡ଼ା ପ୍ରମୁଖ ମଞ୍ଚରେ ଉପସ୍ଥିତି ରହି ଅନୁଷ୍ଠାନ ପକ୍ଷରୁ କଳାକାଳମାନଙ୍କୁ ସମ୍ବର୍ଦ୍ଧିତ କରିଥିଲେ ।