ବରୀ(ରତ୍ନଗିରି ନ୍ୟୁଜ)୨୩/୧ : ଓଡ଼ିଆ ସାହିତ୍ୟରେ ଏକାଧିକ ପୁସ୍ତକ ଭେଟି ଦେଇଥିବା ଶିଶୁ ସାହିତ୍ୟିକ ଅଜୟ କୁମାର ଜେନାଙ୍କୁ ଉତ୍କଳ ଗୌରବ କ୍ରୀଡ଼ା ସଂସଦ, ବାଲିବିଲ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ରବିବାର ଦିନ ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ ବାଲିବିଲସ୍ଥିତ ଏମ ଏସ ଗ୍ରାଉଣ୍ଡ ଠାରେ ଉତ୍କଳ ଗୌରବ କ୍ରୀଡ଼ା ସଂସଦର ୩୨ତମ ବାର୍ଷିକ ଉତ୍ସବ ସାମ୍ବାଦିକ ମହେନ୍ଦ୍ର ସ୍ୱାଇଁଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଆୟୋଜିତ ଉତ୍ସବରେ ମୁଖ୍ୟ ଅତିଥିଭାବେ ସାହିତ୍ୟିକ ତଥା ଶିକ୍ଷାବିତ କୁଞ୍ଜ ବିହାରୀ ଦାସ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ ଅଧ୍ୟାପକ ଦେବପ୍ରସାଦ ସାମଲ, ସମ୍ମାନିତ ଅତିଥିଭାବେ ସାମ୍ବାଦିକ ଶୁଭ୍ରାଂଶୁ ଶେଖର ସାମଲ ପ୍ରମୁଖ ଯୋଗଦେଇ ଶିଶୁ ସାହିତ୍ୟିକ ଶ୍ରୀ ଜେନାଙ୍କୁ ଉତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ । ଉତ୍ସବରେ ଅତିଥି ପରିଚୟ ଦେବକଲ୍ୟାଣ ନାଥ ପ୍ରଦାନ କରିଥିବା ବେଳେ ଦିଲୀପ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।
