ପୁରୀ (ରତ୍ନଗିରି ନ୍ୟୁଜ) : ପୁରୀ ଜିଲ୍ଲାର କୃଷ୍ଣପ୍ରସାଦ ବ୍ଲକର ଆଳନ୍ଦା ଗ୍ରାମପଞ୍ଚାୟତର ଆଳନ୍ଦା ବୁଥରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଏବଂ ବୋମାମାଡ଼ ହୋଇଥିବାର ଅଭିଯୋଗ ହୋଇଛି। ଏହାଫଳରେ ୪୦ରୁ ଅଧିକ ଆହତ ହୋଇଛନ୍ତି। ଏହି ଘଟଣାରେ ୨୦ରୁ ଅଧିକ ବାଇକ ନଷ୍ଟ ହୋଇଥିବା ଜଣାଯାଇଛି। ବୁଥ ନିକଟରେ ଖଣ୍ଡା ଏବଂ ଧାରୁଆ ଅସ୍ତ୍ର ଏବଂ ଇଟାରେ ଲୋକଙ୍କୁ ଆକ୍ରମଣ କରାଯାଇଛି। ଏହି ଘଟଣାର ଭିଡିଓରେ କିଛି ଯୁବକ ଠେଙ୍ଗାରେ ବାଡ଼େଇ ବାଇକ୍ ଭାଙ୍ଗୁ ଥିବା ବେଳେ ଆଉ କିଛି ଲୋକ ଦଳବଦ୍ଧ ଭାବରେ ଠେଙ୍ଗାବାଡ଼ି ଧରି ଅନ୍ୟମାନଙ୍କୁ ଆକ୍ରମଣ କରୁଛନ୍ତି।
