ଶରଧାପୁର ଗ୍ରାମରେ ନୂତନ ହନୁମାନ ବିଗ୍ରହ ପ୍ରତିଷ୍ଠା ଉତ୍ସବ ପାଳନ

ହିଞ୍ଜିଳିକାଟୁ (ରତ୍ନଗିରି ନ୍ୟୁଜ)୨୭/୦୫ : ଗଞ୍ଜାମ ଜିଲ୍ଲା ହିଞ୍ଜିଳି ବ୍ଳକ ଅନ୍ତର୍ଗତ କଂଚୁରୁ ପଞ୍ଚାୟତର ଶରଧାପୁର ଗ୍ରାମରେ ହନୁମାନଙ୍କ ବିଗ୍ରହ ପ୍ରତିଷ୍ଠା ଉତ୍ସବ ପାଳନ କରାଯାଇଛି । ଶ୍ରୀ ଶ୍ରୀ ସଙ୍କଟ ମୋଚନ ହନୁମାନଙ୍କ ନୁତନ ବିଗ୍ରହ ପ୍ରତିଷ୍ଠା ଉତ୍ସବ ମଙ୍ଗଳବାର ଠାରୁ ଶୁକ୍ରବାର ଦିନ ପର୍ଯ୍ୟନ୍ତ ଯଥାବିଧି ଅନୁଷ୍ଠିତ ହେବ । ମଙ୍ଗଳବାର ଦିନ ଅଙ୍କୁରାରୋପଣ , ଦିକ୍ଷାଗ୍ରହଣ, ମଣ୍ଡଳକରଣ ହୋଇଥିଲା । ଶାଲା ସାସ୍କାର ,ଦେବତା ଆବାହନ, ଅଗ୍ନି ସ୍ଥାପନ, ହୋମ ,ନାମଯଜ୍ଞ ଅଧିବାସ ସହ ସୁର୍ଯ୍ଯପୁଜା ମଣ୍ଡପ ପୁଜା ,ରାତ୍ରି ପ୍ରାଣପ୍ରତିଷ୍ଠା , ମହାଯଜ୍ଞ , ଅନ୍ନଯଜ୍ଞ ସହିତ ଶେଷଦିନରେ ନାମଯଜ୍ଞ ପୁର୍ଣ୍ଣାହୁତିରେ ଦେବତାଙ୍କ ନଗର ଭ୍ରମଣ କରି ଗ୍ରାମବାସୀ ଅପାରକରୁଣା ଲାଭପ୍ରାପ୍ତି ହୋଇ ଶରଧାପୁର ଗ୍ରାମବାସୀ କହିଛନ୍ତି । ହିଞ୍ଜିଳି ବ୍ଳକ ଅଧ୍ୟକ୍ଷା ସରସ୍ବତୀ ସେଠୀ ,ପୁର୍ବତନ ଅଧ୍ୟକ୍ଷ N ରଘୁନାଥ କୃଷ୍ଣ ଚନ୍ଦ୍ର ପଣ୍ଡା ସମତେ ବହୁ ଜନପ୍ରତିନିଧିଙ୍କ ସଙ୍କଟମୋଚନ ହନୁମାନଙ୍କ ପ୍ରତିମୂର୍ତ୍ତି , ଅନ୍ନଯଜ୍ଞ ନାମଯଜ୍ଞ ମଣ୍ଡପ ବୁଲି ବୁଲି ପରିଦର୍ଶନ କରିବା ସହ ଗ୍ରାମବାସୀଙ୍କ ସହିତ ଅନ୍ନ ପ୍ରସାଦ ସେବନରେ ସାହାଯ୍ୟ କରିଥିଲେ । ମୁଖ୍ୟ ପଣ୍ଡିତ ହେମନ୍ତ କୁମାର ଶତପଥି ଶର୍ମା ,ବିଦ୍ଯାଳଙ୍କାର ସହ ପଣ୍ଡିତ ଦୁର୍ଗା ପ୍ରସାଦ ଦାସ ଶର୍ମା ଏବଂ ସହଯୋଗୀ ହୋମଯଜ୍ଞ ପୂଜାର୍ଚ୍ଚନା କରିଥିଲେ । ଅନ୍ୟ ମାନଙ୍କ ମଧ୍ୟରେ ଗ୍ରାମ୍ଯକମିଟି ବାଉରୀ ପୃଷ୍ଟି, ଶିବରାମ ମହାରଣା, ରଞ୍ଜନ କୁମାର ମହାରଣା ,ଅଶୋକ କୁମାର ବେହେରା ,ଗଣେଶ ପୃଷ୍ଟି ପ୍ରମୁଖ ବହୁ ସ୍ବେଚ୍ଛାସେବୀ ଉପସ୍ଥିତ ରହି ଶରଧାପୁର ଗ୍ରାମର ନୂତନ ହନୁମାନ ମନ୍ଦିର ବିଗ୍ରହଙ୍କ ପ୍ରତିଷ୍ଠା ମହୋତ୍ସବ ପରିଚାଳନ କରିଥିଲେ ।