ବାଲେଶ୍ବର(ରତ୍ନଗିରି ନ୍ୟୁଜ) :- ବାଲେଶ୍ବର ଜିଲ୍ଲା ସିମୁଳିଆ ନିର୍ବାଚନ ମଣ୍ଡଳୀରେ ଆଜି ଚତୁର୍ଥ ଦିନରେ ବିଭିନ୍ନ ପଞ୍ଚାୟତରେ ସରପଞ୍ଚ, ସମିତି ସଭ୍ୟ ଓ ୱାର୍ଡ ସଭ୍ୟମାନେ ସେମାନଙ୍କର ନାମାଙ୍କନ ପତ୍ର ଦାଖଲ କରିଛନ୍ତି। ଗରସଙ୍ଗ ପଞ୍ଚାୟତରେ ବିଜୁ ଜନତା ଦଳର ସମର୍ଥିତ ସରପଞ୍ଚ ପ୍ରାର୍ଥୀ ଭାବେ ରାଜେନ୍ଦ୍ର କୁମାର ଦାଶ ପ୍ରାର୍ଥୀ ପତ୍ର ଦାଖଲ କରିଥିବା ବେଳେ କଂଗ୍ରେସ ପ୍ରାର୍ଥୀ ଭାବେ ରାଜେନ୍ଦ୍ର ଜେନା ପ୍ରାର୍ଥୀ ପତ୍ର ଦାଖଲ କରିଛନ୍ତି। ଏହି ପଞ୍ଚାୟତର ଥିବା ୧୭ ଗୋଟି ୱାର୍ଡରୁ ୨୫ ଜଣ ୱାର୍ଡ ମେମ୍ବର ଉଭୟ ଦଳ ପକ୍ଷରୁ ପ୍ରାର୍ଥୀପତ୍ର ଦାଖଲ କରିଥିବା ଜଣାପଡିଛି। ଗତ ପଞ୍ଚାୟତ ନିର୍ବାଚନ ବିଜେଡ଼ି ପକ୍ଷରୁ ପଞ୍ଚାୟତ ଦଖଲ କରିଥିବା ବେଳେ ପୁଣି ଏଥର ବିଜେଡି ପ୍ରାର୍ଥୀ ରାଜେନ୍ଦ୍ର କୁମାର ଦାଶ ରଣନୀତି ପ୍ରସ୍ତୁତ କରି କ୍ଷମତାକୁ ଆସିବା ପାଇଁ ଆଶାବାଦୀ ଥିବା ବେଳେ କଂଗ୍ରେସ ସମର୍ଥିତ ସରପଞ୍ଚ ପ୍ରାର୍ଥୀ ରାଜେନ୍ଦ୍ର କୁମାର ଜେନା ଜିତିବା ପାଇଁ ରଣ କୌଶଳ ଆରମ୍ବ କରିଛନ୍ତି।
