ବରୀ(ରତ୍ନଗିରି ନ୍ୟୁଜ):ମହାନ ଜନନାୟକ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୨୪ତମ ଶ୍ରାଦ୍ଧ ଦିବସ ଅବସରରେ ଜୀବନବିନ୍ଦୁ ଓ ମୋ ଓଡ଼ିଶା ତରଫରୁ ଆଜି ଯାଜପୁର ଜିଲ୍ଲା ବରୀ ବ୍ଲକ୍ ଅଧିନରେ ଥିବା ନାଥପୁର ପ୍ରାଥମିକ ବିଦ୍ୟାଳୟ ପରିସରରେ ଏକ ବିଶାଳ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ବରୀ ବିଧାୟିକା ସୁନନ୍ଦା ଦାସ ବିଜୁବାବୁଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଦେଇ ଶିବିରକୁ ଉଦ୍ଘାଟନ କରିଥିଲେ । ବରୀ ବିଡ଼ିଓ ଶିବାନନ୍ଦ ସ୍ୱାଈଁ, ବରୀ ତହସିଲଦାର ସରୋଜକାନ୍ତ ନାୟକ ସମ୍ମାନିତ ଅତିଥି ଭାବେ ଯୋଗ ଦେଇ ରକ୍ତ ଦାନ କରିଥିବା ବ୍ୟକ୍ତିମାନଙ୍କୁ ଉତ୍ସାହିତ କରିଥିଲେ । ବରୀ ବିଜେଡି ସଂଯୋଜକ ଦେବେନ୍ଦ୍ର ଦାସ ଏହି ଶିବିରରେ ଉପସ୍ଥିତ ହୋଇ ବିଜୁବାବୁଙ୍କ ନୀତିଆଦର୍ଶରେ ଅନୁପ୍ରାଣିତ ହେବା ପାଇଁ ପରାମର୍ଶ ଦେଇଥିଲେ ।
ଅନ୍ୟମାନଙ୍କ ମଧ୍ୟରେ ବରୀ ବିଜେଡି ସଭାପତି କେଦାର ସାମଲ, ବରୀ ନିର୍ବାଚନମଣ୍ଡଳୀ ବିଜୁ ଯୁବ ଜନତାଦଳ ସଭାପତି ଅଶୋକ କୁମାର ସାମଲ, ବିଜେଡି ଜିଲ୍ଲା ସାଧାରଣ ସମ୍ପାଦକ ପ୍ରଦୀପ ଦାସ, ବିଧାୟିକାଙ୍କ ଯାଜପୁର ବ୍ଲକ ପ୍ରତିନିଧି ଗଣେଶ ଚନ୍ଦ୍ର ମହାକୁଡ, ପ୍ରଦୀପ କୁମାର ଘଡାଇ, ବିଜୟ କୁମାର ନାୟକ, ହରିହର ପଣ୍ଡା, ଗୋବିନ୍ଦ ଚନ୍ଦ୍ର ଜେନା, ସୁବୋଧ ଜେନା, ରଂଜନ ପଣ୍ଡା, ତୁଷାରକାନ୍ତ ଶ୍ୟାନ୍ତି, ନିର୍ମଳ କୁମାର ରାଉତ, ସଚ୍ଚିଦାନନ୍ଦ ମହାକୁଡ, ହିମାଂଶୁ ନାୟକ, ଶ୍ରୀଧର ସେଠୀ, ସୁରେଶ ମଳିକ ଏବଂ ବିଜେଡି କାର୍ଯ୍ୟକର୍ତ୍ତାମାନେ ଉପସ୍ଥିତ ରହି ଶିବିରକୁ ପରିଚାଳନା କରିଥିଲେ । ଏହି ଶିବିରରେ କରୋନା କଟକଣା ସହ 241 ୟୁନିଟ୍ ରକ୍ତ ସଂଗ୍ରହ କରାଯାଇଥିଲା l ଶିବିରରେ ଧାରପୁର ପଞ୍ଚାୟତ ରୁ ସର୍ବାଧିକ ୟୁନିଟ୍ ରକ୍ତ ସଂଗ୍ରହ ହୋଇଥିବାରୁ ପଞ୍ଚାୟତ କୁ ପାଞ୍ଚ ହଜାର ଟଙ୍କା ପୁରସ୍କାର ପ୍ରଦାନ କରାଯାଇଥିଲା
