ବରୀ (ରତ୍ନଗିରି ନ୍ୟୁଜ) : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୭୬ତମ ଜନ୍ମଦିବସ ଗତ କାଲି ସାରା ରାଜ୍ୟରେ ପାଳିତ ହୋଇଯାଇଛି । ବିଭିନ୍ନ ମହଲରୁ ମୁଖ୍ୟମନ୍ତ୍ରୀଙ୍କୁ ଶୁଭେଚ୍ଛା ପ୍ରଦାନ କରାଯିବା ସହିତ ରାଜ୍ୟବାସୀ ତାଙ୍କ ସୁସ୍ଥ ନିରାମୟ ଜୀବନ କାମନା କରିଛନ୍ତି । ଏହି ପରିପ୍ରେକ୍ଷୀରେ ବାରି ବ୍ଲକ ଅନ୍ତର୍ଗତ ରାମପୁର ପଞ୍ଚାୟତ ଉଚ୍ଚବିଦ୍ୟାଳୟ ପରିସରରେ ବରୀ ବିଜେଡି ପକ୍ଷରୁ ଏକ ବିଶାଳ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିର ଓଡ଼ିଶା ‘ ମୋ ପରିବାର ’ ଓ ‘ ଜୀବନ ବିନ୍ଦୁ’ର ମିଳିତ ସହେଯାଗରେ ଆୟୋଜନ କରାଯାଇଥିଲା । ଏହାକୁ ବରୀ ବିଧାୟିକା ସୁନନ୍ଦା ଦାସ ମୁଖ୍ୟ ଅତିଥି ଭାବେ ଯୋଗଦେଇ ଉଦ୍ଘାଟନ କରିଥିଲେ । ବରୀ ବିଜେଡି ସଂଯୋଜକ ଦେବେନ୍ଦ୍ର ଦାସ , ବ୍ଲକ ବିଜେଡି ସଭାପତି କେଦାର ସାମଲ , ଜିଲ୍ଲା ପରିଷଦ ସଭ୍ୟ ତଥା ବାରି ନିର୍ବାଚନ ମଣ୍ଡଳୀ ଯୁବ ବିଜେଡି ସଭାପତି ଅଶୋକ କୁମାର ସାମଲ , ବରୀ ସରପଞ୍ଚ ରମାକାନ୍ତ ମଲ୍ଲିକ , ଗୋଳକୁଣ୍ଡ ସରପଞ୍ଚ ଶରତ ଜେନl, ଧାରପୁର ସରପଞ୍ଚ ଟି.ରୋଜାଲିନ ଶାନ୍ତି, ଜୀବନ ବିନ୍ଦୁର ଜିଲ୍ଲା ସଂଯୋଜକ ବିମଳ ଚନ୍ଦ୍ର ଦାସ, ବରୀ ବ୍ଲକ ଯୁବ ବିଜେଡି ସଭାପତି ରଞ୍ଜନ କୁମାର ପଣ୍ଡା, ଆଶିଷ୍ କୁମାର ସାମଲ ପ୍ରମୁଖ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ମୁଖ୍ୟମନ୍ତ୍ରୀଙ୍କ ଜନ୍ମଦିନରେ ରକ୍ତଦାନ କରି ଦିବସକୁ ସ୍ମରଣୀୟ କରିବାକୁ ବରୀ ବ୍ଲକର ଗୋଲକୁଣ୍ଡ, ସ୍ୱାଇଁ ଖଣ୍ଡ, ବାଲିଆ, ଈଶାଣପୁର, ଧାରପୁର, ସାହୁପଡ଼l, ଚନ୍ଦନପୁର, ମନ୍ଦାରୀ, ରତ୍ନଗିରି ଆଦି ବିଭିନ୍ନ ପଞ୍ଚାୟତରୁ ୫୦୯ ଜଣ ବରୀବାସୀ ଏହି ରକ୍ତଦାନ ଶିବିରରେ ରକ୍ତଦାନ କରିଥିଲେ । ଏଠାରେ ସୂଚନା ଯୋଗ୍ୟ ଯେ ଚଳିତ ମାସରେ ବରୀ ବିଜେଡି ପକ୍ଷରୁ ଏହା ହେଉଛି ଦ୍ୱିତୀୟ ରକ୍ତଦାନ ଶିବିର l ପୂର୍ବରୁ ଗାନ୍ଧୀ ଜୟନ୍ତୀ ଅବସରରେ ବ୍ରହ୍ମବରଦା ମହାବିଦ୍ୟାଳୟ ପରିସରରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା l ଉକ୍ତ ଶିବିରରେ ୨୨୦ ୟୁନିଟ ରକ୍ତ ସଂଗ୍ରହ କରାଯାଇଥିଲା l
