ରାୟଗଡା (ରତ୍ନଗିରି ନ୍ୟୁଜ) : ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଦବଦବା ଜାହିର କରିଛି ବିଜେଡି । ରାୟଗଡ ଜିଲ୍ଲାରେ ୨୨ ଗୋଟି ଜିଲ୍ଲା ପରିଷଦ ଆସନରୁ ୧୬ ଗୋଟି ଜିଲ୍ଲା ପରିଷଦ ଆସନରେ ବିଜୟ ହାସଲ କରିଥିବା ବେଳେ ୬ ଗୋଟି ଜିଲ୍ଲା ପରିଷଦ ଆସନରେ ବିଜୟୀ ହୋଇ ସନ୍ତୁଷ୍ଟ ହୋଇଛି କଂଗ୍ରେସ । ଚଳିତ ନିର୍ବାଚନରେ ବିଜେପି ଖାତା ଖୋଲି ନ ପାରି ନିରବ ରହିଛି । ସେହି ଭଳି କଲ୍ୟାଣସିଂହପୁର ବ୍ଲକର ୨ ଗୋଟି ଜିଲ୍ଲା ପରିଷଦ ଆସନରେ ବିଜେଡି ବହୁମତ ସଂଖ୍ଯାରେ ବିଜୟୀ ହୋଇଛି “କ” ଜୋନରେ ବିଜେଡି ଦଳର ପ୍ରାର୍ଥୀ ବି. ଓ୍ବାରା ପ୍ରସାଦ ରାଓ ତାଙ୍କ ନିକଟତମ ପ୍ରତିଦ୍ବନ୍ଦୀ କଂଗ୍ରେସ ଦଳର ଅଶ୍ବନୀ ମହାପାତ୍ରଙ୍କ ଠାରୁ ୧ ହଜାର ୧୯ ଖଣ୍ଡ ଅଧିକ ଭୋଟ ପାଇ ବିଜୟୀ ହୋଇଛନ୍ତି l ସେହିପରି “ଖ” ଜୋନର ବିଜେଡି ପ୍ରାର୍ଥୀ ଭୂମି ଗୌରୀ ଦେବୀ ତାଙ୍କ ନିକଟତମ ପ୍ରତିଦ୍ବନ୍ଦୀ କଂଗ୍ରେସ ଦଳର ସ୍ବାତୀ ସାତନାଙ୍କ ଠାରୁ ୨ ହଜାର ୩୯୨ ଖଣ୍ଡ ଅଧିକ ଭୋଟ ପାଇ ବିଜୟୀ ହୋଇଛନ୍ତି l ୨ ଗୋଟି ଜୋନରେ ବିଜେଡି ର ସଫଳତାକୁ ନେଇ ବିଜୟ ଉତ୍ସବ ପାଳନ କରିଛନ୍ତି ଦଳିୟ ନେତା ଏବଂ କର୍ମି । ବିପୁଳ ପରିମାଣରେ ଭୋଟ ଦେଇ ଦଳୀୟ ପ୍ରାର୍ଥୀଙ୍କୁ ଜୟଯୁକ୍ତ କରାଇଥିବାରୁ ଜନସାଧାରଣଙ୍କୁ ଧନ୍ୟବାଦ ଦେଇଥିଲେ । ବିଜୟର ପ୍ରମୁଖ କାରଣ ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ସ୍ୱଚ୍ଛ ଶାସନ, ନିର୍ମଳ ଭାବମୂର୍ତି ତଥା ଜନହିତକର ଯୋଜନା ପ୍ରଣୟନ ପାଇଁ ଲୋକେ ବିଜେଡିକୁ ପସନ୍ଦ କରିଥିବା ବିଜୟୀ ପ୍ରାର୍ଥୀ ପ୍ରକାଶ କରିଛନ୍ତି ।
ରାୟଗଡା ରୁ ମାଲେସ କୌଶଲ୍ୟାଙ୍କ ରିପୋର୍ଟ ରତ୍ନଗିରି ନ୍ୟୁଜ
