ବାଲିଆପାଳ (ରତ୍ନଗିରି ନ୍ୟୁଜ) : -ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ସିଂଲା ଥାନା ଅନ୍ତର୍ଗତ ଲଙ୍ଗଳେଶ୍ୱର ଗ୍ରାମରେ ଗତ କାଲି ସନ୍ଧ୍ୟାରେ ଜଟିଆ ପ୍ରାମାଣିକଙ୍କ ଘରେ ନିଆଁ ଲାଗିବାର ଦୃଶ୍ୟ ପଡୋଶୀ ଦେଖିବାକୁ ପାଇଥିଲେ l ସ୍ଥାନୀୟ ଲୋକଙ୍କ ସହାୟତାରେ ନିଆଁକୁ ଆୟତ୍ତ କରାଯାଇଥିଲେ ବି ଘରେ ରହିଥିବା ଆସବାବ ପତ୍ର ସହିତ ଗୋଟିଏ ନୂଆ ମୋଟରସାଇକେଲ, ଦୁଇଟା ସାଇକେଲ ମଧ୍ୟ ସମ୍ପୂର୍ଣ ପୋଡି ଯାଇଛି l ତେବେ ଘର ପଛ ପଟେ ଗୋଟିଏ ପେଟ୍ରୋଲ ବୋତଲ ଖୋଲା ପଡିଥିବାରୁ କେହି ଦୁର୍ବୁତ୍ତ ନିଆଁ ଲଗାଇଥାଇ ପାରନ୍ତି ବୋଲି ପରିବାର ଲୋକ ଏବଂ ପାଖ ପଡୋଶୀ ସନ୍ଦେହ କରୁଛନ୍ତି l ଘଟଣାଟିକୁ ସମ୍ପୂର୍ଣ୍ଣ ତଦନ୍ତ କରି ଦୋଷୀକୁ ଉପଯୁକ୍ତ ଦଣ୍ଡ ପ୍ରଦାନ ନିମନ୍ତେ ପରିବାର ଲୋକ ଏବଂ ଗ୍ରାମବାସୀମାନେ ପ୍ରଶାସନ ନିକଟରେ ଦାବି କରିଛନ୍ତି l
ବାଲିଆପାଳ ରୁ ସୁବାସ ଦାସ ଙ୍କ ରିପୋର୍ଟ ରତ୍ନଗିରି ନ୍ୟୁଜ
