ଭଦ୍ରକ (ରତ୍ନଗିରି ନ୍ୟୁଜ) : ଭଦ୍ରକ ଜିଲ୍ଲା ମହୋତ୍ସବ ଭଦ୍ରାୟଣୀ ନେହେରୁ ଷ୍ଟାଡ଼ିୟମ୍ ପଡ଼ିଆରେ ଉଦ୍ଘାଟିତ ହୋଇଯାଇଛି । ଜିଲ୍ଲାପାଳ ସିଦ୍ଧେଶ୍ଵର ବଳିରାମ ବୋନ୍ଦରଙ୍କ ଅଧ୍ୟକ୍ଷତାରେ ଆୟୋଜିତ ଉଦ୍ଘାଟନୀ ସନ୍ଧ୍ୟାରେ ମୁଖ୍ୟ ଅତିଥ୍ ଭାବେ ଭଣ୍ଡାରିପୋଖରୀ ବିଧାୟକ ପ୍ରଫୁଲ୍ଲ ସାମଲ ଏବଂ ସମ୍ମାନୀତ ଅତିଥି ଭାବେ ଭଦ୍ରକ ବିଧାୟକ ସଂଜୀବ ମଲ୍ଲିକ, ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ,ଜିଲ୍ଲା ପରିଷଦ ଅଧ୍ୟକ୍ଷ ପ୍ରଫୁଲ୍ଲ ଜେନା, ଏସ୍.ପି. ବରୁଣ ଗୁଣ୍ଟୁପାଲି, ଅତିରିକ୍ତ ଜିଲ୍ଲାପାଳ ଶାନ୍ତନୁ କୁମାର ମହାନ୍ତି ପ୍ରମୁଖ ଯୋଗଦେଇଥିଲେ l ତାରକା ଉପସ୍ଥାପିକା ଗୁନ୍ଗୁନ୍ ଏବଂ ଉପସ୍ଥାପକ ପୁପିନ୍ଦର ମଞ୍ଚ ପରିଚାଳନା କରିଥିବା ବେଳେ କଣ୍ଠଶିଳ୍ପୀ ଏବଂ ସଂଗୀତ ନିର୍ଦ୍ଦେଶକ ସିଦ୍ଧାର୍ଥ ଙ୍କ ରଚିତ ଭଦ୍ରାୟଣୀ ମହୋତ୍ସବର ଶୀର୍ଷକ ସଂଗୀତ କୁ ଏହି ଅବସରରେ ଅତିଥିମାନେ ଉଦଘାଟନ କରିଥିଲେ । ପରେ ପରେ କଣ୍ଠଶିଳ୍ପୀ ସତ୍ୟଜିତ ଙ୍କ ଟିମ ସଂଗୀତ ପରିବେଷଣ କରିଥିବା ବେଳେ ଆନ୍ତର୍ଜତୀୟ ଓଡିଶୀ ନୃତ୍ୟଶିଳ୍ପୀ ମାନେ ଜଗନ୍ନାଥଙ୍କ ଉପରେ ଆଧାରିତ ଏକ ଭଜନରେ ନୃତ୍ୟ ପରିବେଷଣ କରିଥିଲେ। ଭଦ୍ରକ ଜିଲ୍ଲା ମହୋତ୍ସବ ଅବସରରେ ଆୟୋଜିତ ପଲ୍ଲିଶ୍ରୀ ମେଳାରେ ବିଭିନ୍ନ ପ୍ରକାରର 220 ଗୋଟି ଷ୍ଟଲ ପଡିଥିବା ଜଣାପଡିଛି l
