ଗଞ୍ଜାମ(ରତ୍ନଗିରି ନ୍ୟୁଜ) : ଦିନ ଦିପ୍ରହରରେ ଗତକାଲି ଜନଗହଳି ପୂର୍ଣ୍ଣ ୧୬ନମ୍ବର ଜାତୀୟ ରାଜପଥ ଲଙ୍ଗଳେଶ୍ବର ଠାରେ ଜଣେ ବାଇକ ଆରୋହୀକୁ ମରିଚ ଗୁଣ୍ଡ ମାରି ଗୋଡ଼ାଇ ଗୋଡ଼ାଇ ହାଣିଲେ ୪ଦୁର୍ବୃତ୍ତ । ଦୁର୍ବୃତ୍ତ ଙ୍କ ଆକ୍ରମଣରେ ଶିକାର ହୋଇଥିବା ଯୁବକ ଜଣକ କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ଆଠଗଡ଼ ପାଟଣା ପଞ୍ଚାୟତର ଅସିତ କୁମାର ନାୟକ । ଅସିତ ଗତକାଲି ଭୁବନେଶ୍ବର କିଛି କାମ ନେଇ ତାଙ୍କ ସାଙ୍ଗ ପରେଶ ସେଠୀଙ୍କ ସହ ଯାଇଥିଲେ । ତେବେ ଆଜି ଫେରିବା ବେଳେ ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ ଲଙ୍ଗଳେଶ୍ବର ଠାରେ ୪ ଜଣ ଦୁର୍ବୃତ୍ତ ଅସିତ ଓ ତାଙ୍କ ସାଙ୍ଗ ପରେଶଙ୍କ ଉପରକୁ ମରିଚ ଗୁଣ୍ଡ ଫୋପାଡି ଥିଲେ । ଅସିତ ଓ ପରେଶ ପଡ଼ିଯିବା ପରେ ପରେଶ ପ୍ରାଣ ବିକଳରେ ସେଠାରୁ ଦୌଡ଼ି ପଳାଇଥିଲେ । କିନ୍ତୁ ଅସିତଙ୍କୁ ତଳେ ପକାଇ ଦୁର୍ବୃତ୍ତ ମାନେ ଧାରୁଆ ଅସ୍ତ୍ରରେ ହାଣି ଦେଇଥିବା ଜଣାପଡିଛି । ସେହି ସମୟରେ ସ୍ଥାନୀୟ ଲୋକେ ଆସିବାରୁ ଅସିତଙ୍କୁ ଛାଡ଼ି ଦୁର୍ବୃତ୍ତ ମାନେ ଦୌଡ଼ି ପଳେଇଥିଲେ । ଅସିତ ଙ୍କୁ ଗୁରୁତର ଅବସ୍ଥାରେ ଭେଜିପୁଟ ଫାଣ୍ତି ପୋଲିସ ଗାଡ଼ିରେ ପ୍ରଥମେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ନେଇଥିଲେ । ପରେ ପରେ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ବଡ ମେଡିକାଲ କୁ ପଠାଯାଇଛି । ତେବେ ଅସିତ କହିଛନ୍ତି ଏହା ରାଜନୈତିକ ଶତ୍ରୁତାରୁ ଘଟିଛି ଏବଂ ହାଣିଥିବା ଦୁର୍ବୃତ୍ତ ମାନଙ୍କୁ ସେ ଚିହ୍ନିଛନ୍ତି ବୋଲି କହିଛନ୍ତି । ଫଳରେ ସେହି କାରଣରୁ ତାଙ୍କୁ ଆକ୍ରମଣ କରାଯାଇଛି ବୋଲି ସେ କହିଛନ୍ତି । ଅନ୍ୟପଟେ ପୋଲିସ ଘଟଣାର ତଦନ୍ତ କରୁଥିବା ସହ ଦୁର୍ବୃତ୍ତଙ୍କୁ ଧରିବା ପାଇଁ ଦେଖିବାକୁ ମିଳିଛି ।
