ବରୀ,(ରତ୍ନଗିରି ନ୍ୟୁଜ):ବିଦଗ୍ଧ କବି ଅଭିମନ୍ୟୁ ସାମନ୍ତସିଂହାରଙ୍କ ଜନ୍ମପୀଠ ଅଭିମନ୍ୟୁ ବାଲିଆ ସ୍ଥିତ କଲେଜ ଛକ ଶ୍ରୀରାମ ନବମୀ ପୂଜା କମିଟି ଦ୍ୱାରା ପବିତ୍ର ଶ୍ରୀ ରାମନବମୀ ପୂଜା ମହୋତ୍ସବ ମହାସମାରୋହରେ ଅନୁଷ୍ଠିତ ହେଉଛି । ତେବେ ଚଳିତ ବର୍ଷ କମିଟିର ଯୁବକ ମାନେ ଏହି ଦାୟିତ୍ୱ ନୂଆକରି ନେଇଥିବା ବେଳେ ସଭିଙ୍କ ଐକବଦ୍ଧ ଚେତନା ଭିତ୍ତିରେ ଆଜି ପୂର୍ବାହ୍ନରେ ଶ୍ରୀ ରାମ ଲକ୍ଷ୍ମଣ ଓ ମା ଜାନକୀ ଦେବୀଙ୍କ ବିଗ୍ରହ ସହିତ ଶ୍ରୀ ହନୁମାନ ମଧ୍ୟ ପୂଜା ମଣ୍ଡପରେ ପୂଜିତ ହେଉଛନ୍ତି । ଏହି କାର୍ଯ୍ୟକ୍ରମ ତିନିଦିନ ଧରି ଚାଲିବାକୁ କାର୍ଯ୍ୟକ୍ରମ ରହିଥିବା ବେଳେ, ଅନୁଷ୍ଠାନ ତରଫରୁ ରବିନ୍ଦ୍ର କୁମାର ବେହେରା , ସୋମନାଥ ଜେନା, ବିଶ୍ୱଜିତ ଜେନା, ଚରଣ କୁମାର ଜେନା, ଗୋପାଳ ସାହୁ, ପ୍ରିତୀ ରଂଜନ ସାହୁ, ରଶ୍ମିରଂନ ସାହୁ, ସୈାମ୍ୟ ରଂଜନ ସାହୁ , ପରେଶ ଜେନା, ସନ୍ତୋଷ ରାଉତ, ନଳିନୀକାନ୍ତ ସାହୁ, ପ୍ରଦୀପ ଘଡ଼ାଇ ପ୍ରମୁଖ ଯୁବକ ମାନେ ଦାୟିତ୍ୱ ବହନ କରିବା ସହିତ ପୂଜା କମିଟିର ସମସ୍ତ ବ୍ୟବସାୟୀ ମାନେ ଏହି କାର୍ଯ୍ୟରେ ବଳିଷ୍ଠ ସହଯୋଗ କରୁଥିବାର ଜଣା ପଡିଛି ।
ଏଠାରେ ପ୍ରକାଶ କରାଯାଇ ପାରେ କି ବିଗତ ବର୍ଷ ମାନଙ୍କରେ କରୋନା ମହାମାରୀ ପ୍ରଭାବରେ ଠାକୁରଙ୍କର ମୃଣ୍ମୟ ମୂର୍ତ୍ତୀ ପୂଜା ହେଉନଥିଲା । ତେବେ ଚଳିତ ବର୍ଷ ଏହି କାର୍ଯ୍ୟକ୍ରମ ପୁନଶ୍ଚ ଆରମ୍ଭ ହେଉଥିବାରୁ ସ୍ଥାନୀୟ ଜନ ସାଧାରଣଙ୍କ ମଧ୍ୟରେ ଆନନ୍ଦର ଲହରୀ ଖେଳି ଯାଇଥିବା ବେଳେ ବହୁ ଶ୍ରଦ୍ଧାଳୁ ଏହି ଦିବ୍ୟ ଦର୍ଶନ କରି ଆନନ୍ଦ ଲାଭ କରୁଥିବାର ଦେଖା ଯାଉଛି ।
