ବଲାଙ୍ଗୀର(ରତ୍ନଗିରି ନ୍ୟୁଜ) :- ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଅନ୍ତର୍ଗତ ବହଲି ଗ୍ରାମରେ ଆଜି ଚନ୍ଦ୍ରଭାନୁ ପୋଢ଼ ନାମକ ଜଣେ ଗରିବ ବ୍ୟକ୍ତିଙ୍କ ଘରେ ନିଆଁ ଲାଗିଯାଇଥିଲା । ଲୋକଙ୍କ କହିବା ଅନୁସାରେ ଘରେ ରୋଷେଇ କରୁଥିବା ସମୟରେ କୌଣସି କାରଣରୁ ଘରେ ନିଆଁ ଲାଗିଥିଲା । ନିଆଁ ର ପ୍ରକୋପ ଏତେ ଅଧିକ ଥିଲା ଯେ ତାକୁ ଆୟତ କରିବା ସମ୍ଭବ ପର ହୋଇ ନଥିଲା l ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ l ନିଆଁ ଲାଗି ପାଖା ତିରିଶି ବସ୍ତା ଧାନ, ଓ ପିନ୍ଧିବା ବସ୍ତ୍ର ସହିତ ବହୁତ ଟଙ୍କାର ଜିନିଷ ପତ୍ର ପୋଡ଼ି ପାଉଁଶ ହୋଇଯାଇଥିଲା । ଅଗ୍ନିକାଣ୍ଡରେ କ୍ଷତିଗ୍ରସ୍ତ ହୋଇଥିବା ବ୍ୟକ୍ତି ଜଣକ ଦୀନ ମଜୁରିଆ ଓ ଗରିବ ଶ୍ରଣୀର ହୋଇ ଥିବାରୁ ସେ ମାନସିକ ଚିନ୍ତାରେ ଅଛନ୍ତି l ତୁରନ୍ତ ତାଙ୍କ ପରିବାର କୁ ସହାୟତା ପାଇଁ ଗ୍ରାମବାସୀଙ୍କ ପକ୍ଷରୁ ଦାବି କରାଯାଇଛି !
