ମାହାଙ୍ଗା(ରତ୍ନଗିରି ନ୍ୟୁଜ) ମାହାଙ୍ଗା ବ୍ଲକର ଅଗ୍ରଣୀ ଶିକ୍ଷାନୁଷ୍ଠାନ ବାଗ୍ମୀ ବିଶ୍ୱନାଥ ନିକେତନ ମୂଳବସନ୍ତ ପରିସରରେ ପୁରାତନ ଛାତ୍ର-ଛାତ୍ରୀଙ୍କ ପକ୍ଷରୁ ଏକ ବନ୍ଧୁମିଳନ ଉତ୍ସବ ଅନୁଷ୍ଠିତ ହୋଇଯାଇଛି ! ଏହି ବିଦ୍ୟାଳୟରୁ 2004 ଶିକ୍ଷା ବର୍ଷରେ ମେଟ୍ରିକ ପାସ କରିଥିବା ବିଦ୍ୟାର୍ଥୀ ମାନେ ଏହି ଉତ୍ସବର ଆୟୋଜନ କରିଥିଲେ ! ପ୍ରାକ୍ତନ ପ୍ରଧାନଶିକ୍ଷକ ଦୀନବନ୍ଧୁ ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ପୂର୍ବତନ ପ୍ରଧାନଶିକ୍ଷକ ଅକ୍ଷୟ କୁମାର ପାଣି ମୁଖ୍ୟ ଅତିଥି ଭାବେ ଯୋଗଦେଇଥିଲେ !ପ୍ରଧାନଶିକ୍ଷକ ବିଶ୍ୱଜିତ ସେଠୀ ବିଶିଷ୍ଟ ଅତିଥି ଏବଂ ସାହିତ୍ୟିକ ତଥା ସାମ୍ବାଦିକ ଅଖିଳେଶ ମହାନ୍ତି ମୁଖ୍ୟବକ୍ତା ଭାବେ ଯୋଗଦାନ କରିବା ଦେଖିବାକୁ ମିଳିଥିଲା ! ସେହିପରି ବରିଷ୍ଠ ଶିକ୍ଷକ ଶ୍ରୀକାନ୍ତ ବେହୁରା,ଶିକ୍ଷାବିତ ତ୍ରୈଲୋକ୍ୟନାଥ ଦାସ, ହରିହର ବିଶ୍ୱାଳ ଏବଂ ସୁବାଷ ନାୟକ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ !
ଗୁରୁ-ଶିଷ୍ୟ ପରମ୍ପରାର ମହନୀୟ ଦିଗ ସମ୍ପର୍କରେ ଆମନ୍ତ୍ରିତ ଅତିଥିମାନେ ବହୁ ଉପାଦେୟ ବକ୍ତବ୍ୟ ପ୍ରଦାନ କରିବା ସହ, ଆମ ସମସ୍ତଙ୍କ ଜୀବନରେ ସ୍କୁଲ ଦିନର ଅନୁଭୂତ ଚିର ଅଭୁଲା ବୋଲି କହିଥିଲେ !ଏହି ଅବସରରେ ବିଦ୍ୟାର୍ଥୀ ମାନଙ୍କ ପକ୍ଷରୁ ସମସ୍ତ ଗୁରୁ ଏବଂ ଅତିଥି ମାନଙ୍କୁ ଉତ୍ତରୀୟ ଏବଂ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରାଯାଇଥିଲା ! ଏହି କାର୍ଯ୍ୟକ୍ରମକୁ ଓମ ପ୍ରକାଶ ପଲେଇ,ପ୍ରକାଶ ଚନ୍ଦ୍ର ଦାସ, ଦୟାନିଧି ସାହୁ, ବିଭୂପ୍ରସାଦ ଦାସ, ନିହାର ରଞ୍ଜନ ଓତା, ଅମରେନ୍ଦ୍ର ଦାସ, ଅନିଲ କୁମାର ସେଠୀ, ଚନ୍ଦ୍ରକାନ୍ତ ବାହାଲିଆ, ସୌମ୍ୟ ରଞ୍ଜନ କର,ବିବେକାନନ୍ଦ ମହାପାତ୍ର, ଦିବ୍ୟରଞ୍ଜ ବାରିକ,ଶଙ୍କର ପରିମାଣିକ, ସୁଶ୍ରିସଙ୍ଗିତ ନାଥ, ରୀନା ନାଥ, ରାଜଶ୍ରୀ ମିଶ୍ର, ଶୁଭଶ୍ରୀ ବିଶ୍ଵାଳ, ସବିତା ସାହୁ ପ୍ରମୁଖ ପରିଚାଳନା କରିଥିଲେ !ମୋ’ ସ୍କୁଲ ଅଭିଯାନକୁ ସଫଳ କରିବା ପାଇଁ ପ୍ରଧାନଶିକ୍ଷକଙ୍କ ଆହ୍ୱାନକୁ ପୁରାତନ ଛାତ୍ର ଛାତ୍ରୀମାନେ ସ୍ୱାଗତ କରିବାସହ ସମସ୍ତ ପ୍ରକାର ସହଯୋଗ ପାଇଁ ପ୍ରତିଶୃତି ଦେଇଥିଲେ ! ମାହାଙ୍ଗାରୁ ଦୟାନିଧି ସାହୁ ଙ୍କ ରିପୋର୍ଟ ରତ୍ନଗିରି ନ୍ୟୁଜ
