ମୁମ୍ବାଇ : ଦେଶରେ କରୋନା ମହାମାରୀ ପ୍ରଥମେ ଆରମ୍ଭ ହେବା ସମୟରେ ଯେତେବେଳେ ଲୋକେ ନିଜ ନିଜ ଘରକୁ ଫେରିପାରୁ ନଥିଲେ । ସେତେବେଳେ ଅଭିନେତା ସୋନୁ ସୁଦ ଲୋକଙ୍କୁ ସେମାନଙ୍କ ଘରେ ପହଞ୍ଚାଇବା ଠାରୁ ଆରମ୍ଭ କରି ସେମାନଙ୍କ ସୁବିଧା ଅସୁବିଧା କଥା ବୁଝିଥିଲେ । ସେବେଠାରୁ ସେ ଏହି କାମ ଜାରି ରଖିଛନ୍ତି । ସୋନୁ ଅନେକଙ୍କ ପାଇଁ ରୋଜଗାରର ବ୍ୟବସ୍ଥା ମଧ୍ୟ କରିଛନ୍ତି । ବର୍ତ୍ତମାନ ପୁଣି ଥରେ କରୋନା ସଙ୍କଟ ଦେଖାଦେଇଛି । ରୋଗୀ ବେଡ୍ ମିଳୁନି କି ଅମ୍ଳଜାନ ମଧ୍ୟ ମିଳିପାରୁନି । ଆଉ ଏହି ସମୟରେ ଲୋକଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି ସୋନୁ ସୁଦ । ଏବେ ସେ ଏକ ଫ୍ରୀ କୋଭିଡ୍ ୧୯ ହେଲ୍ପ ଲଞ୍ଚ କରିଛନ୍ତି । ଯାହା ମାଧ୍ୟମରେ ରୋଗୀ ମାନଙ୍କୁ ସିଧାସଳଖ ଡାକ୍ତରଙ୍କ ସହ ଯୋଗାଯୋଗ କରାଇପାରିବେ ଏବଂ ଲୋକେ ମାଗଣା କୋଭିଡ୍ ଟେଷ୍ଟ କରିପାରିବେ ।
