ମାଣ୍ଡୋସିଲ ଉଚ୍ଚ ବିଦ୍ୟାଳୟ ପୁରାତନ ଛାତ୍ରଙ୍କ ବନ୍ଧୁ ମିଳନ

ବରଗଡ ( ସୌମ୍ୟରଂଜନ ମାଝି) : ପାଇକମାଳ ବ୍ଳକ ମାଣ୍ଡୋସିଲ ଉଚ୍ଚ ବିଦ୍ୟାଳୟ ୧୯୯୬ ମାଟ୍ରିକ ବ୍ୟାଚର ସହପାଠୀଙ୍କୁ ନେଇ ଡୁମେରବାହାଲ ବନ୍ଦ ପ୍ରକଳ୍ପରେ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି ବୈଠକରେ ପୁରାତନ ଛାତ୍ରମାନେ ଯୋଗ ଦେଇଥିଲେ।ଏହି ସଭାରେ ମିନିକେତନ ଖୁଣ୍ଟିଆଙ୍କୁ ସଭାପତି, ରୋହିତ ପ୍ରଧାନ ସମ୍ପାଦକ ଓଦେବରାଜ ମେହେରଙ୍କୁ ସହ ସମ୍ପାଦକ ଭାବରେ ମନୋନୀତ କରାଯାଇଥିଲା। ଉକ୍ତ ବୈଠକରେ ପାଣ୍ଠି ସଂଗ୍ରହ କରି ପ୍ରଥମେ ମାନସିକ ବିକୃତ ବେଲାସିଂ ମାଝୀଙ୍କ ଗୃହ ପରିଦର୍ଶନ କରି ତାଙ୍କ ପାରିବାରିକ ସହାୟତା ପାଇଁ ବିଚାର କରିଥିଲେ। ଭୂପେନ୍ଦ୍ର ସାହୁ,ଗୋଳବଦନ ଖୁଣ୍ଟିଆ, ଉପେନ୍ଦ୍ର ବେହେରା,ତରଣୀ ପ୍ରଧାନ, ଭଗବାନ ମାଝୀ, ମହେନ୍ଦ୍ର ମାଝୀ, ଲକ୍ଷ୍ମଣ ପ୍ରଧାନ, ବିଶ୍ବନାଥ ସାହୁ,ସୁନିଲ ରଣା,ଗଣ୍ଡାରାମ ଦୀପ, ଚୂଡାମଣି ନାଏକ, ଲୋକନାଥ ସାହୁ, ପ୍ରଦୀପ ବିନାଟ ପ୍ରମୁଖ ସହଯୋଗ କରିଥିବା ବେଳେ ମେହନ ହଂସ ଧନ୍ୟବାଦ ଦେଇଥିଲେ।