ବରଗଡ଼ : ପାଇକମାଳ ଥାନା କେରେମେଲାବାହଲ ଛକ ନିକଟରେ ମଙ୍ଗଳବାର ଦିନ ପୂର୍ବ ଶତ୍ରୁତାକୁ ନେଇ ଭୁଜାଲି ମାଡ ହୋଇ ଥିବା ନେଇ ପାଇକମାଳ ଥାନାରେ ଅଭିଯୋଗ ହୋଇଛି । ଏନେଇ ପାଇକମାଳ ପୋଲିସ୍ କେସ ନମ୍ବର ୫୩ ରେ ୩୪୧, ୩୨୬,୩୦୭ ଧାରା ୩୪ ଆଇପିସି ରେ ମାମଲା ରୁଜୁ କରି ଅଭିଯୁକ୍ତ ତିନି ଜଣଙ୍କୁ ଗିରଫ କରିଛନ୍ତି । ଅଭିଯୁକ୍ତ ଭଗତପୁର ଗ୍ରାମର ଗୋବର୍ଦ୍ଧନ ଦିପ (୨୨) ବାସୁଦେବ ବେସରା(୨୦) ବଇଦପାଲି ଗ୍ରାମର ନବିନ ଛତର(୨୦) ଙ୍କୁ ପାଇକମାଳ ପୋଲିସ ଗିରଫ କରିଛି । ଭୁଜାଲି ମାଡ ରେ ଆହତ ଯୁବକ ସୁରତ ତାଣ୍ତି (୩୦) ଡୁଙ୍ଗୁରିପାଲି ଗ୍ରାମର। ଶ୍ରୀ ତାଣ୍ତି ମଙ୍ଗଳବାର ଦିନ କେରେମେଲାବାହଲ ଛକକୁ ଆସିଥିବା ବେଳେ ପୂର୍ବରୁ ଶତ୍ରୁତା ଥିବାରୁ ୪ଜଣ ମିସି ଛୁରା ମାଡ ମାରିଥିଲେ । ପାଇକମାଳ ପୋଲିସ୍ ୩ଜଣଙ୍କୁ ଗିରଫ କରି ବୁଧବାର ପଦ୍ମପୁରକୋଟକୁ ଚାଲଣ କରିଥିବା ବେଳେ ଆଉ ଜଣେ ଅଭିଯୁକ୍ତ ଫେରାର ଥିବାର ଜଣା ପଡିଛି । ଫେରାର ଥିବାର ଅଭିଯୁକ୍ତ ଖୁବ ଶିଘ୍ର ଧରାପଡିବ ବୋଲି ପାଇକମାଳ ଥାନା ଆଇଆଇସି ବିଶ୍ବଜିତ୍ ମନବୋଧ ଜଣାଇଛନ୍ତି । ଆହତ ଶ୍ରୀ ତାଣ୍ତି ପଦ୍ମପୁର ରେ ଚିକିତ୍ସିତ ହେଉଥିବା ବେଳେ ଅବସ୍ଥା ଗୁରୁତର ହେବାରୁ ବରଗଡକୁ ସ୍ଥାନାନ୍ତରିତ ଆଜି କରାଯାଇଛି ।
