ଜଗତସିଂହପୁର: ଜଗତସିଂହପୁ ଜିଲ୍ଲା ବିରିଡି ବ୍ଲକ ଅଧିନସ୍ଥ ଦଣ୍ଡିଲୋ ଗ୍ରାମ ପଞ୍ଚାୟତର ନାୟକାଣୀ ଠାକୁରାଣୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ନୃସିଂହ ଚରଣ ଜେନାଙ୍କ ବିଦାୟ କାଳୀନ ସମ୍ଭର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କୋଭିଡ୍ ଗାଇଡଲାଇନ ଅନୁଯାୟୀ ସାମାଜିକ ଦୂରତା ମାନି ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ସଭାପତି ଭାବେ ଆଦେୟିତ ସ୍ୱାଇଁ ସଭାକାର୍ଯ୍ୟ ଆରମ୍ଭ କରିଥିଲେ। ଓ ନିରଞ୍ଜନ ବସ୍ତିଆ ସଭା ପରିଚାଳନା କରିଥିଲେ। ସେହିପରି ଅବସରପ୍ରାପ୍ତ ଶିକ୍ଷାବିତ୍ ନିକୁଞ୍ଜ ବିହାରୀ ଭଞ୍ଜ ଉତ୍ତରୀୟ ଦେଇ ପ୍ରଧାନ ଶିକ୍ଷକଙ୍କୁ ସମ୍ମାନିତ କରିଥିଲା ବେଳେ ,ଶିକ୍ଷୟତ୍ରୀ ମଞ୍ଜୁଲତା ରାୟ ପ୍ରଧାନ ଶିକ୍ଷକଙ୍କ ସହିତ ବିତାଇଥିବା ନିଜସ୍ୱ ଅନୁଭୂତି କବିତା ମାଧ୍ୟମରେ ଉପସ୍ଥାପନ କରିଥିଲେ।
ଉପସ୍ଥିତ ଅନ୍ୟାନ୍ୟ ଅତିଥି ମାନଙ୍କ ମଧ୍ୟରେ ଜ୍ୟୋତ୍ସାରାଣୀ ମିଶ୍ର ମାନପତ୍ର ପାଠ କରିଥଲେ। କବିତା ସ୍ଵାଇଁ, ପଦ୍ମଲୋଚନ ଜେନା, ପ୍ରଶାନ୍ତ ନାୟକ, ସୁନନ୍ଦ ନାୟକ, ପ୍ରଶାନ୍ତ ରାଉତ, ବସନ୍ତ ନାୟକ ଏବଂ ତିନି ବିଦ୍ୟାଳୟର ଅନ୍ୟାନ୍ୟ କର୍ମଚାରୀ ଦୀପକ, ନାଲୁ, ବ୍ରଜରାଜ ଙ୍କ ସମେତ ପୁର୍ବତନ ଛାତ୍ରଛାତ୍ରି ଓ ଗ୍ରାମର ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ।
