ବାଲେଶ୍ୱର : କଥାଟା ଆଶ୍ଚର୍ଯ୍ୟ ଲାଗୁଥାଇ ପାରେ ହେଲେ ସତ । ନାଳରେ ଭାସୁଛି ସାର୍କର ମୃତଦେହ। ସମୁଦ୍ରକୁ ସଂଯୋଗ କରୁଥିବା ନାଳରେ ସାର୍କର ମୃତଦେହ ଦେଖିବାକୁ ମିଳିଛି। ଏହି ଖବର ପ୍ରଚାରିତ ହେବାରେ ସେଠାରେ ଲୋକଙ୍କ ଭିଡ଼ ଲାଗି ରହିଛି। ବାଲେଶ୍ୱର ଜିଲ୍ଲା ସୋର ଥାନା ଶ୍ରୀଜଙ୍ଗ ପଞ୍ଚାୟତ କଣ୍ଟିଆଚେରା ନାଳ ସୁଟିଂପାହି ନିକଟରେ ସାର୍କର ମୃତଦେହଟି ପଡ଼ିଥିଲା। ରବିବାର ସକାଳେ ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ମୃତ ସାର୍କର ଓଜନ ୫ କ୍ୱିଣ୍ଟାଲ୍ରୁ ଅଧିକ ହେବ। ଏହାର ଲମ୍ୱ ୧୦ ଫୁଟ୍ ହେବ। ସାର୍କଟି ନାଳକୁ କେମିତି ଆସିଲା, ତାହା ଜଣାପଡ଼ି ନାହିଁ।
