ଯାଜପୁର : ବରୀ ନିର୍ବାଚନ ମଣ୍ଡଳି ସାନସୁଆର ପଞ୍ଚାୟତଠାରେ ୯ମ ବାର୍ଷିକ ନବଘନ ମେମୋରିଆଲ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି । ଫାଇନାଲ ମ୍ୟାଚ୍ ବିଏମ୍ଏସଏସ୍ ଦଶରଥପୁର ଓ ସାନସୁଆର ମଧ୍ୟରେ ଅନୁଷ୍ଠିତ ହୋଇଥିଲା । ଉଭୟ ଦଳ ନିର୍ଦ୍ଧାରିତ ଓଭର ଶେଷରେ ୧୫୯ ରନ କରିବାରୁ ସୁପର ଉଭର ଖେଳ କରାଯାଇଥିଲା । ସୁପର ଓଭରେ ସାନସୁଆରକୁ ପରାସ୍ତ କରି ବିଏମ୍ଏସଏସ୍ ବିଜୟୀ ହୋଇଥିଲା । ପୂର୍ବତନ ସରପଞ୍ଚ ଧନେଶ୍ୱର ସାହୁ ଉଦ୍ଯାପନୀ ସଭାରେ ସଭାପତିତ୍ୱ କରିଥିଲେ । ମୁଖ୍ୟ ଅତିଥିଭାବେ ବରୀ ବିଧାୟିକା ସୁନନ୍ଦ ଦାସ ଯୋଗ ଦେଇ ବିଜୟୀ ଓ ପରାଜିତ ଦଳକୁ ଟ୍ରଫି ଏବଂ ପୁରସ୍କାର ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ମହିଳା କ୍ରିକେଟ ଟିମ୍ର ସଭାପତି ବଟକୃଷ୍ଣ ମହାପାତ୍ର, ପୂର୍ବତନ ସରପଞ୍ଚ ଉତ୍କଳ ଦାସ ସମେତ ବହୁ କ୍ରୀଡାପ୍ରେମୀ ଯୋଗଦେଇଥିଲେ ।
