ଭୁବନେଶ୍ବର (ବ୍ୟୁରୋ): ଭୁବନେଶ୍ୱର ବି ବିି ଏମ ଅଫିସ ଠାରେ ଏବିସି ଟିଭି, ଓଁକାର ଟିଭି, ଓ ବିବିସୀ ଟିଭି ର ମିଳିତ ଆନୁକୂଲ୍ୟରେ ଡିଜିଟାଲ ମିଡ଼ିଆ ସାମ୍ବାଦିକମାନଙ୍କୁ କରୋନା ଯୋଦ୍ଧା ସମ୍ମାନ ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମରେ ବହୁ ବିଶିଷ୍ଟ ବ୍ୟକ୍ତି ମାନେ ଯୋଗ ଦେଇ ସମାଜରେ ସାମ୍ବାଦିକମାନଙ୍କ ଦାୟିତ୍ୱବୋଧତା ଓ ସାମାଜିକ କାର୍ଯ୍ୟ ଦକ୍ଷତାକୁ ନେଇ ପ୍ରସଙ୍ଗ ରଖିଥିଲେ ।
ଏହି ପରିପ୍ରେକ୍ଷୀରେ ରାଜ୍ୟରେ ସାମ୍ବାଦିକ ମାନଙ୍କ ସୁରକ୍ଷାକୁ ନେଇ ଅତିଥି ମାନେ ଆଲୋଚନା କରିଥିଲେ । ରାଜ୍ୟ ସରକାର କାହିଁକି ଡିଜିଟାଲ ମିଡ଼ିଆ ସାମ୍ବାଦିକମାନଙ୍କୁ ଅଣଦେଖା କରୁଛନ୍ତି, ସେନେଇ ଉପସ୍ଥିତ ସାମ୍ବାଦିକ ମାନେ ଆଲୋଚନା କରିବା ସହିତ ସରକାର ସାମ୍ବାଦିକ ସୁରକ୍ଷା ନିୟମ ଆଣନ୍ତୁ, ଡିଜିଟାଲ ମିଡ଼ିଆ ସାମ୍ବାଦିକମାନଙ୍କୁ ବୀମା ଅନ୍ତର୍ଭୁକ୍ତ କରିବେ ଏନେଇ ପ୍ରସ୍ତାବ ଦେବାସହିତ ଏକ ସାମ୍ବାଦିକ ସଂଗଠନ ମଧ୍ୟ ଗଠନ କରାଯାଇଥିଲା। ଏହି କାର୍ଯ୍ୟକ୍ରମରେ ବିବିଏମ ଟିଭିର ସିଇଓ ଇତିଶ ପ୍ରଧାନ ସଂଗଠନର ସମସ୍ତ ଦାୟିତ୍ୱ ନେବା ସହିତ ସାମ୍ବାଦିକମାନଙ୍କର ସମସ୍ତ ସୁବିଧା ଅସୁବିଧାକୁ ଆଖି ଆଗରେ ରଖି କିଭଳି ଭାବରେ ଆଗାମୀ ଦିନରେ ସଂଗଠନ ସୁଦୃଢ ହେବ ଏନେଇ ବିଶେଷ ଆଲୋଚନା କରିଥିଲେ ।
