ବରଗଡ, (ସୌମ୍ୟରଞ୍ଜନ ମାଝୀ):ବରଗଡ଼ ଜିଲ୍ଲା ପାଇମାଳ ବ୍ଲକ ଚର୍ଦାପାଳି ପଞ୍ଚାୟତ ଅନ୍ତର୍ଗତ ଚଙ୍ଗରିଆ, ଗସ୍ତିଡିହି ଦେବଦର୍ହା ଠାରେ ପାଇକମାଳ ବ୍ଲକ କଳାକାର ମହାସଂଘ ତରଫରୁ ଚର୍ଦା ପାଳି ପଞ୍ଚାୟତର କଳାକାରମାନଙ୍କୁ ନେଇ ପ୍ରେମ ସାଗର ଫୌଜଦାରଙ୍କ ସଭାପତିତ୍ଵରେ ଏକ ବୈଠକ ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ମହାସଂଘର ସାଧାରଣ ସମ୍ପାଦକ ତଥା ବିକେଏସ୍ଏସ୍ ଉପସଭାପତି ଲଳିତ ଜଗତ, କୋଷାଧ୍ୟକ୍ଷ ଶ୍ରୀଯୁକ୍ତ ଚିତ୍ତରଞ୍ଜନ ସରାଫ, ତ୍ରିଲୋଚନ ମେହେର, ଦୁଃଶାସନ କୁମ୍ଭାର,ସହଦେବ ପ୍ରଧାନ ଅତିଥି ଭାବରେ ଯୋଗଦେଇ ଥିଲେ l
ବୈଠକରେ ଅତିଥି ମାନଙ୍କୁ ପୁଷ୍ପ ମାଲ୍ୟ ଦେ଼ଇ ସ୍ବାଗତ କରାଯାଇଥିବା ସଙ୍ଗେସଙ୍ଗେ ବିକେଏସ ଏସର ନୂତନ ଉପସଭାପତି ଲଳିତ ଜଗତ ଙ୍କୁ ଉତ୍ତରୀୟ ପୁଷ୍ପ ମାଲ୍ୟଦେଇ ସମ୍ମାନିତ କରାଯାଇଥିଲା lଆଖପାଖ ଅଂଚଳର ସମସ୍ତ କଳାକାର ମହାସଂଘର କାର୍ଯ୍ୟକଳାପ ଦେଖି ବହୁତ ସଂଖ୍ୟାରେ କଳାକାର ସାମିଲ୍ ହୋଇଥିଲେ l ପରବର୍ତ୍ତୀ କାର୍ଯ୍ୟକ୍ରମ ନୃସିଂନାଥ ଠାରେ ସମସ୍ତ କଳା କାରମାନଙ୍କୁ ନେଇ ସବୁ ପ୍ରକାରର ଲୋକ କଳାର ମହୋତ୍ସବ ହେବ ବୋଲି ସଭାପତି ପ୍ରେମ ସାଗର ଫୌଜଦାର କହିଥିଲେ l
କଳାକାରମାନଙ୍କ ଠାରୁ ଟଙ୍କାପଇସା ଠକି ନେଉଥିବା ଖଳ ପ୍ରକୃତି ଲୋକଙ୍କଠାରୁ ଦୁରେଇ ରହିବା ପାଇଁ ମଧ୍ୟ ସତର୍କ କରାଇଥିଲେ ।ସଭାରେ ମୋତିଲାଲ୍ ବାଲାମ୍, ମଣି ମହାନନ୍ଦ, ଡୋଳାମଣି ପଟେଲ, ସନ୍ତୋଷ ବରିହା, ଗୌନ୍ତିଆ ଶଙ୍କର ସାହୁ ଓ ସରପଞ୍ଚ ଗିରିଶ ଚନ୍ଦ୍ର ନାୟକ, କଂଗ୍ରେସ ଡନସନା ଏବଂ ପଞ୍ଚାୟତର ସମସ୍ତ କଳାକାର ଉପସ୍ଥିତ ଥିଲେ l ଶେଷରେ ନିଲେଶ୍ୱର୍ ଭୁଏ ଧନୟବାଦ୍ ଅର୍ପଣ କରିଥିଲେ l
