ବରଗଡ଼ (ରତ୍ନଗିରି ନ୍ୟୁଜ୍) : ପାଇକମାଳ ପଦ୍ମପୁର ରାସ୍ତା କଲନିପଡା ନିକଟରେ ସୋମବାର ରାତ୍ର ୭ଟା ୪୫ମିନିଟ ସମୟରେ ଆମ୍ବୁଲାନ୍ସ୧୦୮ ଧକାରେ ଶାଇକେଲ ଆରୋହି ଗୁରୁତର ହୋଇଥିବାର ଜଣା ପଡିଛି । ଆମ୍ବୁଲାନ୍ସ ଟି ପାଇକମାଳ ପଟରୁ ଆସୁଥିବା ବେଳେ ପାଇକମାଳ ଭୋଇ ପଡାର ମିନକେତନ ବଢେଇ (୪୩) ମଧ୍ୟ ପାଇକମାଳ ପଟରୁ ଶାଇକେଲରେ ଆସୁଥିଲା ।ଆମ୍ବୁଲାନ୍ସ ଟି ଶ୍ରୀ ବଢେଇ କୁ ପଛ ପଟରୁ ଧକ୍କା ଦେଇଥିଲା । ସେ ରାସ୍ତା ର ଆଗକୁ ଛିଟିକି ପଡିଥିଲା । ଆମ୍ବୁଲାନ୍ସ ଟି ତାଉପରେ ମାଡି ଯାଇଥିଲା । ଆମ୍ବୁଲାନ୍ସ ଟି ଗୋଟିଏ ରୋଗିକୁ ନେଇ ପଦ୍ମପୁର ଯାଉଥିବା ବେଳେ ଦୃଘଟଣା ପରେ ଆହତ ଶ୍ରୀ ବଢେଇ ଓ ଅନ୍ୟ ରୋଗିକୁ ଧରି ପ୍ରଥମେ ପାଇକମାଳ ଚିକିତ୍ସଳୟ ନେଇ ଥିଲେ କିନ୍ତୁ ଡାକ୍ତର ଦେଖିବା ପୂର୍ବରୁ ଅବସ୍ତା ଗୁରୁତର ଥିବାରୁ ନୁଆପଡା କୁ ନେଇଯାଇଥିଲେ ।ପାଇକମାଳ ଥାନା ଆଇଆଇସି ବିଶ୍ବଜିତ୍ ମନବୋଧ ଖବର ପାଇ ଘଟଣା ସ୍ଥଳେ ପହଞ୍ଚି ତଦନ୍ତ କରିବା ସହ ୧୦୮ ଡ୍ରାଇଭର ସହ ଯୋଗାଯୋଗ କରିଥିବାର ଜଣା ପଡିଛି ।
