ଆମାଜନିଆ-୧ ଏବଂ ଅନ୍ୟ ୧୮ଟି କୃତ୍ରିମ ଉପଗ୍ରହ ମହାକାଶକୁ ପଠାଇଲା ‘ଇସ୍ରୋ’

ନୂଆଦିଲ୍ଲୀ: ‘ଇସ୍ରୋ’ ଆଜି ନିର୍ଦ୍ଧାରିତ ସମୟରେ ଇ-ଗୀତା, ପ୍ରଧାନମନ୍ତ୍ରୀ ମୋଦୀଙ୍କ ଫଟୋ, ଆମାଜନିଆ-୧ ଏବଂ ଅନ୍ୟ ୧୮ଟି କୃତ୍ରିମ ଉପଗ୍ରହ ସଫଳତାର ସହ ମହାକାଶକୁ ପ୍ରେରଣ କରିଛି।

ଆଜି ପୂର୍ବାହ୍ଣ ୧.୩୦ର ଅଳ୍ପକ୍ଷଣ ପୂର୍ବରୁ ୧୯ଟି କୃତ୍ରିମ ଉପଗ୍ରହ ସହ ଶ୍ରୀହରିକୋଟାସ୍ଥିତ ‘ସତୀଶ ଧାଓ୍ଵନ୍‌ ମହାକାଶ କେନ୍ଦ୍ର’ର ଲଞ୍ଚ୍‌ପ୍ୟାଡ୍‌ରୁ ‘ଭାରତୀୟ ମହାକାଶ ଗବେଷଣା ସଂସ୍ଥାନ’ର ‘ପିଏସ୍‌ଏଲ୍‌ଭି-ସି୫୧’ ମହାକାଶକୁ ଉତ୍‌କ୍ଷେପିତ ହୋଇଥିଲା।